മാലിദ്വീപ് പ്രസിഡന്റ് മുഹമ്മദ് മുയിസു അടുത്തിടെ നടത്തിയ മൂന്ന് ദിവസത്തെ പാകിസ്ഥാൻ സന്ദർശനവും ഇരുരാജ്യങ്ങളും തമ്മിൽ ഒപ്പുവെച്ച സുപ്രധാന ധാരണാപത്രങ്ങളും ഇന്ത്യൻ മഹാസമുദ്ര മേഖലയിൽ (IOR) ഭാരതത്തിന്റെ സുരക്ഷാ താൽപ്പര്യങ്ങൾക്ക് ഭീഷണിയാകുന്നതായി വിലയിരുത്തൽ. വിദേശനയത്തിൽ ഇന്ത്യയ്ക്ക് പകരമായി മുസ്ലീം ഭൂരിപക്ഷ രാജ്യങ്ങളുമായും പാകിസ്ഥാനുമായും അടുത്തുനിൽക്കാനുള്ള മാലിദ്വീപിന്റെ നീക്കങ്ങൾ ഇന്ത്യ അതീവ ജാഗ്രതയോടെയാണ് കാണുന്നത്. പരമാധികാരത്തിന്റെ പേരിൽ ഇന്ത്യയുടെ സുരക്ഷയെ ബാധിക്കുന്ന തീരുമാനങ്ങൾ എടുത്താൽ ശക്തമായ തിരിച്ചടി നേരിടേണ്ടി വരുമെന്ന ‘റെഡ് ലൈൻ’ (Red Line) മാലിദ്വീപിന് മുന്നിൽ ഇന്ത്യ വ്യക്തമായി വരയ്ക്കണമെന്ന് ഒബ്‌സർവർ റിസർച്ച് ഫൗണ്ടേഷനിലെ (ORF) അസോസിയേറ്റ് ഫെല്ലോ ആദിത്യ ഗൗഡര ശിവമൂർത്തി ചൂണ്ടിക്കാണിക്കുന്നു.