പതിനൊന്ന് വർഷത്തെ ഇടവേളയ്ക്ക് ശേഷം ചൈനീസ് പ്രസിഡന്റ് ഷി ജിൻപിങ് അമേരിക്കയിലെത്തി. വാഷിംഗ്ടണിലെ ജോയിന്റ് ബേസ് ആൻഡ്രൂസ് വിമാനത്താവളത്തിൽ ഷി ജിൻപിങ്ങിനും പത്നി പെങ് ലിയുവാനുമെതിരെ അമേരിക്കൻ പ്രസിഡന്റ് ഡോണൾഡ് ട്രംപും പ്രഥമ വനിത മെലാനിയ ട്രംപും നേരിട്ടെത്തി സ്വീകരണം നൽകി. റെഡ് കാർപെറ്റ് സ്വീകരണത്തിന് പുറമെ സൈനിക ബഹുമതികളും ഫ്ലൈപാസ്റ്റും ഉൾപ്പെടെയുള്ള ഔദ്യോഗിക സ്വീകരണവും ഒരുക്കിയിരുന്നു.ചൈനീസ് പ്രസിഡന്റിനോടുള്ള ആദരവിന്റെ ഭാഗമായാണ് വിമാനത്താവളത്തിലെത്തി നേരിട്ട് സ്വീകരണം നൽകിയതെന്ന് വൈറ്റ് ഹൗസ് അറിയിച്ചു. മൂന്ന് ദിവസത്തെ സന്ദർശനത്തിനിടയിൽ ട്രംപും ഷി ജിൻപിങ്ങും തമ്മിൽ നിർണായക ഉഭയകക്ഷി ചർച്ചകൾ നടക്കും.ഇറാൻ യുദ്ധം, തായ്‌വാൻ വിഷയം, ആർട്ടിഫിഷ്യൽ ഇന്റലിജൻസ്, വ്യാപാരതീരുവകൾ തുടങ്ങിയ വിഷയങ്ങൾ ചർച്ചകളിൽ പ്രധാനമാകും. ഈ വർഷം കാലാവധി അവസാനിക്കുന്ന അമേരിക്ക-ചൈന വ്യാപാരക്കരാർ നീട്ടുന്നതുമായി ബന്ധപ്പെട്ട ചർച്ചകൾക്കും പ്രാധാന്യമുണ്ട്. വൈറ്റ് ഹൗസിൽ ഒരുക്കുന്ന ഔദ്യോഗിക വിരുന്നിന് പുറമെ ഇരു നേതാക്കളും ദീർഘനേരം കൂടിക്കാഴ്ച നടത്തും.