Iran Israel conflict: ഇസ്രയേലിനെ ശക്തമായി തിരിച്ചടിച്ച് ഇറാൻ. ഇസ്രായേലിന്റെ ഓപ്പറേഷൻ റൈസിംഗ് ലൈനിനെതിരെ വെള്ളിയാഴ്ച രാത്രി വൈകി ഇറാൻ 'ട്രൂ പ്രോമിസ് 3' സൈനിക നടപടി ആരംഭിച്ചു. 100-ലധികം മിസൈലുകൾ ഉപയോഗിച്ച് ഇറാൻ ഇസ്രായേലിനെ ആക്രമിച്ചു. തലസ്ഥാനമായ ടെൽ അവീവിലെ നിരവധി വീടുകൾക്ക് ഇത് കേടുപാടുകൾ വരുത്തി. 

ഇറാന്റെ സൈന്യന്റെ പ്രത്യാക്രമണത്തിന് പിന്നാലെ തലസ്ഥാനമായ ടെഹ്‌റാനിൽ ഉത്സവാന്തരീക്ഷമാണ്. ആളുകൾ ആഘോഷിക്കാൻ തെരുവിലിറങ്ങി. ഇറാന്റെ ആക്രമണത്തിൽ ഒരു സ്ത്രീ മരിക്കുകയും ഡസൻ കണക്കിന് പേർക്ക് പരിക്കേൽക്കുകയും ചെയ്തതായി ഇസ്രായേലി മാധ്യമങ്ങൾ റിപ്പോർട്ട് ചെയ്യുന്നുണ്ട്. തെരുവുകളിൽ സ്ത്രീകൾ അടക്കം നിരവധി പേരാണ് കൂട്ടംകൂടി ആഘോഷിക്കുന്നത്.

അതിനിടെ ഇറാന്റെ സൈന്യത്തിന് പുതിയൊരു ചീഫ് കമാൻഡറെ നിയമിച്ചു. കമാൻഡർ-ഇൻ-ചീഫ് ആയത്തുള്ള സയ്യിദ് അലി ഖമേനിയുടെ ഉത്തരവ് പ്രകാരം മേജർ ജനറൽ അമീർ ഹതാമിയെ ഇസ്ലാമിക് റിപ്പബ്ലിക് ഓഫ് ഇറാന്റെ സൈന്യത്തിന്റെ ചീഫ് കമാൻഡറായി നിയമിച്ചു. 2013 മുതൽ 2021 വരെ ജനറൽ ഹതാമി പ്രതിരോധ മന്ത്രിയായിരുന്നു. സ്ഥാനമൊഴിയുന്ന കമാൻഡർ മേജർ ജനറൽ സയ്യിദ് അബ്ദുൾറഹിം മൗസവിയെ അലി ഖമേനി പ്രശംസിക്കുകയും അദ്ദേഹത്തിന്റെ ഭരണകാലത്തെ 'സത്യസന്ധവും വിലപ്പെട്ടതുമായ ശ്രമങ്ങളെ' പ്രശംസിക്കുകയും ചെയ്തു. 

വെള്ളിയാഴ്ച നടന്ന ഐക്യരാഷ്ട്രസഭ സുരക്ഷാ കൗൺസിലിന്റെ അടിയന്തര യോഗത്തിൽ, യുഎസ് സ്റ്റേറ്റ് ഡിപ്പാർട്ട്‌മെന്റിന്റെ ബ്യൂറോ ഓഫ് ഇന്റർനാഷണൽ ഓർഗനൈസേഷൻ അഫയേഴ്‌സിലെ മുതിർന്ന ഉദ്യോഗസ്ഥനായ മക്കോയ് പിറ്റ് ഇറാന് കർശനമായ മുന്നറിയിപ്പ് നൽകി, അമേരിക്കൻ താൽപ്പര്യങ്ങൾ ലക്ഷ്യമിട്ടാൽ, "ഇറാന്റെ അനന്തരഫലങ്ങൾ ഭയാനകമായിരിക്കും" എന്ന് പറഞ്ഞു. ഒരു സർക്കാരോ, പ്രോക്സിയോ അമേരിക്കൻ പൗരന്മാരെയോ, താവളങ്ങളെയോ, അടിസ്ഥാന സൗകര്യങ്ങളെയോ ആക്രമിക്കരുതെന്ന് അദ്ദേഹം ഊന്നിപ്പറഞ്ഞു.