വാഹനങ്ങൾ ഓടിക്കൊണ്ടിരിക്കുന്നതിനിടെ ജമ്മു കശ്മീരിലെ താവി നദിക്ക് കുറുകെയുള്ള പാലത്തിൻ്റെ റോഡ് ത്തസമയം തകർന്ന് വീഴുന്ന ദൃശ്യങ്ങൾ നേരത്തെ വലിയ രീതിയിൽ പ്രചരിച്ചിരുന്നു. നിരവധി വാഹനങ്ങളാണ് പാലത്തിനും അപ്രോച്ച് റോഡിനും ഇടയിൽ കുടുങ്ങിയിരുന്നത്. യാത്രക്കാരെല്ലാം അത്ഭുതകരമായി രക്ഷപ്പെട്ട ദൃശ്യങ്ങൾ നേരത്തെ ഇന്ത്യാ ടുഡേ മലയാളം പ്രസിദ്ധീകരിച്ചിരുന്നു. കേടുപാടുകൾ സംഭവിച്ച പാലം നമ്പർ 4-ന്റെ ഭാഗത്ത് സൈന്യത്തിന്റെ എഞ്ചിനീയറിംഗ് യൂണിറ്റ് നിർമ്മിച്ച ബെയിലി പാലത്തിൽ വാഹനങ്ങളുടെ പരീക്ഷണയോട്ടം ആരംഭിച്ചു. 12 മണിക്കൂർ സമയം കൊണ്ടാണ് സൈന്യം പാലം പൂർത്തീകരിച്ചത്. പരീക്ഷണങ്ങളുടെ ഭാഗമായി സൈനിക ട്രക്കുകൾ പാലത്തിലൂടെ സഞ്ചരിക്കുന്നുണ്ട്. പൊതുജനങ്ങളുടെ വാഹന ഗതാഗതത്തിനായി പാലം ഇന്ന് തുറന്നുനൽകും.