കൂട്ട നാടുകടത്തൽ വിവാദങ്ങൾ തുടരുന്ന സാഹചര്യത്തിൽ വിദ്യാർത്ഥികൾക്ക് മുന്നറിയിപ്പുമായി യു എസ്. ക്ലാസുകൾ ഒഴിവാക്കുകയോ പ്രോഗ്രാമുകൾ ഉപേക്ഷിക്കുകയോ ചെയ്യുന്നതിനെതിരെ ഇന്ത്യക്കാർക്കും മറ്റ് വിദേശ വിദ്യാർത്ഥികൾക്കും അമേരിക്ക ചൊവ്വാഴ്ച മുന്നറിയിപ്പ് നൽകി. വിദ്യാർത്ഥികൾക്ക് അവരുടെ വിസ നഷ്ടപ്പെടുന്ന സാഹചര്യമോ, ഭാവിയിൽ ഏതെങ്കിലും യുഎസ് വിസയ്ക്ക് അപേക്ഷിക്കാൻ കഴിയാത്ത സാഹചര്യമോ ഉണ്ടാകുമെന്നും അമേരിക്ക മുന്നറിയിപ്പ് നൽകി.

"നിങ്ങൾ സ്കൂളിനെ അറിയിക്കാതെ പഠനം ഉപേക്ഷിച്ചാൽ, ക്ലാസുകൾ ഒഴിവാക്കിയാൽ, അല്ലെങ്കിൽ പഠന പരിപാടി ഉപേക്ഷിച്ചാൽ, നിങ്ങളുടെ വിദ്യാർത്ഥി വിസ റദ്ദാക്കപ്പെട്ടേക്കാം, ഭാവിയിലെ യുഎസ് വിസകൾക്കുള്ള യോഗ്യത നഷ്ടപ്പെട്ടേക്കാം. നിങ്ങളുടെ വിസയുടെ നിബന്ധനകൾ എല്ലായ്പ്പോഴും പാലിക്കുകയും എന്തെങ്കിലും പ്രശ്നങ്ങൾ ഒഴിവാക്കാൻ നിങ്ങളുടെ വിദ്യാർത്ഥി സ്റ്റാറ്റസ് നിലനിർത്തുകയും ചെയ്യുക." ഇന്ത്യയുടെ ഔദ്യോഗിക പ്രസ്താവനയിൽ യുഎസ് എംബസി പറഞ്ഞു.