അമേരിക്കയിൽ ഇന്ന് ഉച്ചയ്ക്ക് രാജ്യവ്യാപകമായി എമർജൻസി അലർട്ട് സിസ്റ്റം (EAS) പരിശോധന നടക്കും


18, November, 2026
Updated on 18, November, 2026 11


ഡാളസ് / വാഷിംഗ്ടൺ: ഫെഡറൽ എമർജൻസി മാനേജ്‌മെന്റ് ഏജൻസിയും (FEMA) ഫെഡറൽ കമ്മ്യൂണിക്കേഷൻസ് കമ്മീഷനും (FCC) സംയുക്തമായി ഇന്ന് (നവംബർ 17, ചൊവ്വ) ഉച്ചയ്ക്ക് ഏകദേശം 1:20-ന് (Central Time) രാജ്യവ്യാപകമായി എമർജൻസി അലർട്ട് സിസ്റ്റം (EAS) പരിശോധന നടത്തും.

പരിശോധനയുടെ ഭാഗമായി രാജ്യത്തുടനീളമുള്ള റേഡിയോ, ടെലിവിഷൻ സംപ്രേക്ഷണങ്ങൾ താൽക്കാലികമായി തടസ്സപ്പെടുകയും ഒരു പരീക്ഷണ സന്ദേശം (Test Message) സംപ്രേക്ഷണം ചെയ്യുകയും ചെയ്യും. ഏകദേശം ഒരു മിനിറ്റ് നേരമായിരിക്കും ഇത് നീണ്ടുനിൽക്കുക. പരിശോധന പൂർത്തിയാകുന്നതോടെ സാധാരണ പരിപാടികൾ പുനരാരംഭിക്കും.

ഇതൊരു ഔദ്യോഗിക പരീക്ഷണം മാത്രമായതിനാൽ പൊതുജനങ്ങൾ പരിഭ്രാന്തരാകേണ്ടതില്ലെന്നും യാതൊരു നടപടിയും സ്വീകരിക്കേണ്ടതില്ലെന്നും സിറ്റി ഓഫ് ഗാർലൻഡ് (City of Garland) അധികൃതർ അറിയിച്ചു.




Feedback and suggestions