ന്യൂഡൽഹിയിൽ നടക്കുന്ന പതിനെട്ടാമത് ബ്രിക്സ് ഉച്ചകോടിയുടെ ഭാഗമായി ഇന്ത്യൻ പ്രധാനമന്ത്രി നരേന്ദ്ര മോദിയും വിയറ്റ്നാം പ്രധാനമന്ത്രി ലെ മിൻ ഹുങും തമ്മിൽ ഉഭയകക്ഷി ചർച്ചകൾ നടത്തി. ഡൽഹിയിൽ നടന്ന ഈ കൂടിക്കാഴ്ചയിൽ ഇരു രാജ്യങ്ങളും തമ്മിലുള്ള നയതന്ത്ര ബന്ധങ്ങൾ പുനഃപരിശോധിക്കുകയും സഹകരണം കൂടുതൽ വിപുലമാക്കാൻ തീരുമാനിക്കുകയും ചെയ്തു. ഉച്ചകോടിയിൽ പങ്കാളിത്ത രാജ്യമായി വിയറ്റ്നാം പങ്കെടുത്തതിനെ പ്രധാനമന്ത്രി നരേന്ദ്ര മോദി സന്തോഷത്തോടെ സ്വാഗതം ചെയ്തു. 

രണ്ടു രാജ്യങ്ങളും തമ്മിലുള്ള ബന്ധം 'എൻഹാൻസ്ഡ് കോംപ്രിഹെൻസീവ് സ്ട്രാറ്റജിക് പാർട്ണർഷിപ്പ്' എന്ന തന്ത്രപ്രധാന നിലവാരത്തിലേക്ക് ഉയർത്തിയ ശേഷമുള്ള പ്രവർത്തനങ്ങൾ നേതാക്കൾ വിലയിരുത്തി. പ്രതിരോധം, സുരക്ഷ, ഡിജിറ്റൽ സാങ്കേതികവിദ്യ, നിർണായക ധാതുക്കൾ എന്നിവയുൾപ്പെടെ നിരവധി മേഖലകളിൽ നിലവിലുള്ള സഹകരണം കൂടുതൽ ഊർജ്ജസ്വലമാക്കാൻ ധാരണയായി. ഇതിന് പുറമെ സാമ്പത്തിക രംഗത്തെ പുതിയ അവസരങ്ങൾ പ്രയോജനപ്പെടുത്താനും മേഖലയിലെ സമാധാനത്തിനും സ്ഥിരതയ്ക്കും വേണ്ടി ഒരുമിച്ച് പ്രവർത്തിക്കാനും ഇരു രാജ്യങ്ങളും തീരുമാനിച്ചു. 

ഉഭയകക്ഷി ചർച്ചകളിൽ ബ്രഹ്മോസ് സൂപ്പർസോണിക് ക്രൂയിസ് മിസൈൽ കരാറിന് നിർണ്ണായക പുരോഗതിയുണ്ടായി. ഫിലിപ്പീൻസിനും ഇന്തോനേഷ്യയ്ക്കും ശേഷം ഇന്ത്യയിൽ നിന്ന് ബ്രഹ്മോസ് മിസൈലുകൾ സ്വന്തമാക്കാൻ ഒരുങ്ങുന്ന മൂന്നാമത്തെ ദക്ഷിണേഷ്യൻ രാജ്യമായി വിയറ്റ്നാം മാറുകയാണ്. ഉച്ചകോടിക്കിടെ ഇന്ത്യൻ പ്രധാനമന്ത്രി നരേന്ദ്ര മോദിയും വിയറ്റ്നാം പ്രധാനമന്ത്രി ലെ മിൻ ഹുങും തമ്മിൽ നടന്ന കൂടിക്കാഴ്ചയിലാണ് ഇത് സംബന്ധിച്ച ചർച്ചകൾ നടന്നത്.