തിരു: തീരദേശത്ത് നിന്ന് കേരളത്തിൻ്റെ  ഭരണ രംഗത്ത് ശോഭിച്ച വ്യക്തിയ്ക്ക്  " ഭരണ ശ്രേഷ്ഠ " പുരസ്കാരവും ജനനീതിപോരാട്ടങ്ങൾക്ക് നേതൃത്വം നൽകിയ വ്യക്തിയ്ക്ക്  " സമര സാരഥി"  പുരസ്കാരവും സമുദ്ര ആവാസവ്യവസ്ഥ - പരിസ്ഥിതി ഗവേഷകന്    " സമുദ്രസ്ഥിതി " പുരസ്കാരവും നൽകുമെന്ന്  

കടൽത്തീര സംരക്ഷണ  സംഘടനയായ "':ദി   എമേർജിംഗ് കോസ്റ്റ്  " അറിയിച്ചു.

തീരദേശത്തിന്റെ ശബ്ദമായ  ടെക് വൈസ്  പ്രസിഡൻ്റ്  ജോൺ ബോസ്കോ ഡിക്രൂസിനെ  ( ശംഖുമുഖം) ചടങ്ങിൽ  ആദരിക്കും.

മൺസൂണിലെ അഭൂതപൂർവ്വമായ തീരനഷ്ടം തീരാനഷ്ടമായി മാറുന്നതിന് ശാശ്വത പരിഹാരം കണ്ടെത്തണമെന്ന് ദി എമേർജിംഗ്  കോസ്റ്റ് പ്രസിഡൻ്റ്  ജെയിംസ് റോക്കി ആവശ്യപ്പെട്ടു. തീരദേശ ഹൈവേ വരുമ്പോൾ  ,  മത്സ്യബന്ധന തൊഴിലാളികൾ വസിക്കുന്ന മേഖലയിൽ    അപകട സാദ്ധ്യത കൂടുതലാണ് . അവിടങ്ങളിൽ മേൽപ്പാല പാത പണിയണം.  ശക്തമായ തിരയടിയിൽ ഇതിനകം  ഒട്ടേറെ വീടുകൾ തകർന്നിട്ടുണ്ട്.

ടെക് മാധ്യമ കോ ഓർഡിനേറ്റർ സാബു തോമസ് ( സാബു ശങ്കർ) , ജോൺ ബോസ്കോ ഡിക്രൂസ് ശംഖുമുഖം, രാജു ഫെർണാണ്ടസ് , ബെന്നി വലിയതുറ , അമ്മു സിസിൽ തുടങ്ങിയവരാണ് സംഘാടക സമിതി കൺവീനർമാർ. ജൂൺ 22  ന്  വൈകിട്ട്  വലിയതുറയിൽ  തീരരത്ന പുരസ്കാര ജേതാക്കളെ പ്രഖ്യാപിക്കും.   1959 ൽ  പോലീസ്  വെടിവെപ്പിൽ  മരിച്ച ഫ്‌ളോറി പെരേരയുടെ വീട് ചെറിയതുറയിൽ  സന്ദർശിക്കും .