ടെഹ്‌റാൻ: തുർക്കി സന്ദർശനത്തിനിടെ സുരക്ഷാ ഭീഷണിയെത്തുടർന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് രഹസ്യമായി വിമാനം മാറിയ സംഭവത്തിൽ രൂക്ഷ പരിഹാസവുമായി ഇറാന്റെ ഔദ്യോഗിക മാധ്യമങ്ങൾ. ഇറാന്റെ സൈനിക ശക്തിയെക്കുറിച്ചുള്ള ഭയമാണ് ട്രംപിനെ ഇത്തരമൊരു നീക്കത്തിന് നിർബന്ധിതനാക്കിയതെന്ന് ഇറാൻ ആരോപിച്ചു. ട്രംപിന് വലിയ അപമാനമുണ്ടാക്കിയ നടപടിയായാണ് ഇറാനിയൻ സ്റ്റേറ്റ് ടെലിവിഷൻ ഈ സംഭവത്തെ വിശേഷിപ്പിച്ചത്.

ദക്ഷിണാഫ്രിക്കയിലെ ഇറാൻ എംബസിയുടെ ഔദ്യോഗിക 'എക്സ്' (ട്വിറ്റർ) അക്കൗണ്ടിലും ട്രംപിനെ പരിഹസിച്ച് കുറിപ്പും മീമും പ്രത്യക്ഷപ്പെട്ടു. "ഇനി അധികം വൈകാതെ ട്രംപ് ഒരു ചവറ്റുകുട്ടിയിൽ ഒളിച്ചിരിക്കും" എന്ന തലക്കെട്ടോടെ, ഭക്ഷണം നിറച്ച കാറ്ററിംഗ് ബോക്സിനുള്ളിൽ ട്രംപ് ഒളിച്ചിരിക്കുന്ന തരത്തിലുള്ള ചിത്രമാണ് എംബസി പങ്കുവെച്ചത്.മിസൈൽ ആക്രമണ ഭീഷണി; വിമാനം മാറിയത് രഹസ്യമായിനാറ്റോ ഉച്ചകോടിക്കായി അങ്കാറയിലെത്തിയ ട്രംപിന്റെ സന്ദർശനത്തിന്റെ അവസാന ദിവസമാണ് സുരക്ഷാ ഭീഷണിയുണ്ടായത്. ഇറാന്മാരുമായുള്ള സംഘർഷം രൂക്ഷമായിനിൽക്കെ, പ്രസിഡന്റിന്റെ ഔദ്യോഗിക വിമാനമായ 'എയർഫോഴ്സ് വൺ' മിസൈൽ ഉപയോഗിച്ച് ആക്രമിക്കാൻ സാധ്യതയുണ്ടെന്ന് സീക്രട്ട് സർവീസ് മുന്നറിയിപ്പ് നൽകുകയായിരുന്നു.

> അങ്കാറയിലെ ഹോട്ടലിൽ ട്രംപ് താമസിച്ചിരുന്ന കൃത്യമായ നില പോലും ഇറാനിയൻ രഹസ്യാന്വേഷണ വിഭാഗങ്ങൾക്ക് അറിയാമായിരുന്നുവെന്ന് യു.എസ് ഉദ്യോഗസ്ഥർ ആശങ്കപ്പെട്ടതായി 'ദി ന്യൂയോർക്ക് ടൈംസ്' റിപ്പോർട്ട് ചെയ്തു.ജൂലൈ എട്ടിന് തുർക്കിയിൽ നിന്ന് മടങ്ങുമ്പോൾ, കാറ്ററിംഗ് ട്രക്ക് ഉപയോഗിച്ച് സുരക്ഷാ ഉദ്യോഗസ്ഥരുടെ കണ്ണുവെട്ടിച്ചാണ് ട്രംപും ചെറിയൊരു സംഘവും 'സി-32എ' (C-32A) എന്ന ചെറിയ വിമാനത്തിലേക്ക് മാറിയത്. അതേസമയം, സംശയം തോന്നാതിരിക്കാൻ വൈറ്റ് ഹൗസ് ജീവനക്കാരെയും മാധ്യമപ്രവർത്തകരെയും വഹിച്ച് എയർഫോഴ്സ് വൺ മറ്റൊരു വഴിക്ക് യാത്രതിരിക്കുകയായിരുന്നു.തെരുവുകളിൽ ട്രംപിനെതിരെ ചുമർചിത്രങ്ങൾ.സംഭവത്തിന് പിന്നാലെ ടെഹ്‌റാനിലെ ബിൽബോർഡുകളിലും ചുമർചിത്രങ്ങളിലും ട്രംപിനെയും ഇസ്രായേലിനെയും ലക്ഷ്യമിട്ട് കടുത്ത പരിഹാസ ചിത്രങ്ങൾ പ്രത്യക്ഷപ്പെട്ടിട്ടുണ്ട്. ട്രംപ് കടലിൽ മുങ്ങിത്താഴുന്നതടക്കമുള്ള ചിത്രങ്ങളാണ് ഇതിലുള്ളത്.2018-ൽ ഇറാഖിലെ സൈനിക താവളം സന്ദർശിച്ചപ്പോൾ സ്വീകരിക്കേണ്ടി വന്ന കനത്ത സുരക്ഷാ നടപടികളെക്കുറിച്ച് ട്രംപ് മുൻപ് വെളിപ്പെടുത്തിയത് ഇറാനിയൻ മാധ്യമങ്ങൾ വീണ്ടും ചർച്ചയാക്കുന്നുണ്ട്. അന്ന് വിമാനത്തിന്റെ ജനാലകൾ പൂർണ്ണമായി അടച്ച്, ലൈറ്റുകൾ അണച്ച് പൂർണ്ണ ഇരുട്ടിലായിരുന്നു യാത്രയെന്ന് ട്രംപ് പറഞ്ഞിരുന്നു.അതേസമയം, വിമാനം മാറ്റിയ പുതിയ സംഭവത്തെക്കുറിച്ച് ടെഹ്‌റാൻ ഔദ്യോഗികമായി പ്രതികരിച്ചിട്ടില്ല. യു.എസ്-ഇറാൻ സംഘർഷങ്ങൾ തുടരുന്നതിനിടെ മേഖലയിൽ സ്ഥിരസമാധാനം ഉറപ്പാക്കാനുള്ള ചർച്ചകളിൽ നിലവിൽ പുരോഗതിയൊന്നുമില്ല

.

>