തിരുവനന്തപുരം: വിപണിവില നിയന്ത്രിക്കുന്നതിനും സാധാരണക്കാർക്ക് ന്യായവിലയിൽ ഗുണമേന്മയുള്ള ഉൽപ്പന്നങ്ങൾ ലഭ്യമാക്കുന്നതിനുമായി സപ്ലൈകോ സംഘടിപ്പിക്കുന്ന ഓണം മെഗാ ട്രേഡ് ഫെയറിന് ഇന്ന് (ഓഗസ്റ്റ് 13) തുടക്കമാകും. കിഴക്കേകോട്ട ഇ.കെ നായനാർ പാർക്കിലാണ് മേള സംഘടിപ്പിക്കുന്നത്.

വൈകിട്ട് നാലിന് നടക്കുന്ന ചടങ്ങിൽ ഭക്ഷ്യ-പൊതുവിതരണ മന്ത്രി അനൂപ് ജേക്കബ് ഉദ്ഘാടനം നിർവഹിക്കും. ഗതാഗത മന്ത്രി സി.പി ജോൺ അധ്യക്ഷനാകും. ആദ്യവിൽപ്പന ആരോഗ്യ-ദേവസ്വം മന്ത്രി കെ. മുരളീധരൻ നിർവഹിക്കും.

ഗൃഹോപകരണങ്ങൾ, ടെക്സ്റ്റൈൽസ്, ലൈഫ്സ്റ്റൈൽ ഉൽപ്പന്നങ്ങൾ, ഓട്ടോമൊബൈൽ, ഹാൻഡിക്രാഫ്റ്റ്സ്, ധനകാര്യ സേവനങ്ങൾ തുടങ്ങിയ വിവിധ മേഖലകളിലെ പ്രമുഖ ബ്രാൻഡുകൾ മേളയിൽ അണിനിരക്കും. ആകർഷകമായ ഓഫറുകളും വിലക്കിഴിവുമാണ് പൊതുജനങ്ങൾക്കായി ഒരുക്കിയിട്ടുള്ളത്. തിരുവനന്തപുരം, കൊച്ചി, കോഴിക്കോട് നഗരങ്ങളിൽ ഓണം മെഗാ ട്രേഡ് ഫെയറുകളും മറ്റ് ജില്ലകളിൽ സപ്ലൈകോ എക്സ്ക്ലൂസീവ് ഓണം ഫെയറുകളുമാണ് സംഘടിപ്പിക്കുന്നത്.ചടങ്ങിൽ ശശി തരൂർ എംപി, എംഎൽഎമാരായ എൻ. ശക്തൻ, വി. ജോയി, മേയർ വി.വി രാജേഷ്, സപ്ലൈകോ മാനേജിംഗ് ഡയറക്ടർ ജയകൃഷ്ണൻ വി.എം തുടങ്ങിയവർ പങ്കെടുക്കും.