സംസ്ഥാനത്ത് ദേശീയപണിമുടക്ക് 12ന് : ശബരിമല തീര്ഥാടകരെയും മാരാമണ് കണ്വന്ഷനെയും ഒഴിവാക്കി
10, February, 2026
Updated on 10, February, 2026 5
 |
തിരുവനന്തപുരം∙ ദേശീയപണിമുടക്ക് 12ന്, ശബരിമല തീര്ഥാടകരെയും മാരാമണ് കണ്വന്ഷനെയും ഒഴിവാക്കി, കേരളം പൂർണ്ണമായും സ്തംഭിക്കുമെന്ന് ട്രേഡ് യൂണിയൻ. കോഴഞ്ചേരി, തോട്ടപ്പുഴശേരി പഞ്ചായത്തുകളെ ഒഴിവാക്കി. ദേശീയ പണിമുടക്കില് കേരളം പൂര്ണമായും സ്തംഭിക്കുമെന്ന് സംയുക്ത ട്രേഡ് യൂണിയന് ഭാരവാഹികള് അറിയിച്ചു. ഐ.എൻ.ടി.യു.സി, സി.ഐ.ടി.യു എന്നിവ ഉൾപ്പെടെയുള്ള പത്ത് കേന്ദ്ര ട്രേഡ് യൂനിയനുകളുടെയും, സ്വതന്ത്ര മേഖലാ ഫെഡറേഷനുകൾ, അസോസിയേഷനുകൾ എന്നിവയുടെയും സംയുക്താഭിമുഖ്യത്തിലാണ് പണിമുടക്ക്.ഷോപ്പിങ് മാളുകള്, സ്പെഷല് ഇക്കണോമിക് സോണ് അടക്കമുള്ളവ സ്തംഭിക്കും. പാല്, പത്രം, ആശുപത്രി, മരുന്ന് ഷോപ്പുകള്, ഫയര് ആന്ഡ് റെസ്ക്യൂ, ആംബുലന്സ് തുടങ്ങിയ അത്യാവശ്യ സര്വീസൊഴിച്ച് മറ്റെല്ലാ മേഖലയിലെയും, തൊഴിലാളികള് പണിമുടക്കും. വ്യവസായ – കാര്ഷിക – വാണിജ്യ – വ്യാപാര മേഖലകള് പൂര്ണമായി 24 മണിക്കൂറും നിശ്ചലമാകും. കടകമ്പോളങ്ങള് അടഞ്ഞുകിടക്കും. മോട്ടര് വാഹനങ്ങള് നിരത്തില് ഇറങ്ങില്ല. എല്ലാ രംഗത്തെയും തൊഴിലാളികള് ഫെബ്രുവരി 12 ന് പണി നിര്ത്തിവയ്ക്കുമെന്നു സംയുക്ത ട്രേഡ് യൂണിയന് ഭാരവാഹികള് വാര്ത്താസമ്മേളനത്തില് അറിയിച്ചു.